Тус уулзалт нь “Твиннинг” төслийн хоёрдугаар бүрэлдэхүүн хэсгийн хүрээнд зохион байгуулагдсан бөгөөд зөвлөхүүд Монгол Улсын шүүгчийн ажил мэргэжлийн замналын тогтолцоонд үнэлгээ хийх, Европын Холбооны гишүүн орнууд, тэр дундаа Холбооны Бүгд Найрамдах Герман Улсын шүүгчийн карьерын тогтолцоо, туршлагыг хуваалцах, цаашид хэрэгжүүлэх санал, зөвлөмж, шийдэл боловсруулах зорилгоор Монгол Улсад ажиллаж байна.

Уулзалтын үеэр зөвлөхүүд Герман Улсын бүсийн шүүхийн тогтолцоо, бүтэц, үйл ажиллагаа, шүүгч болох үе шат, тавигдах шалгуур нөхцөл, улсын нэгдүгээр болон хоёрдугаар шатны шалгалтын тогтолцоо, шүүгчийг сонгон шалгаруулах хорооны бүтэц, үйл ажиллагаа, ерөнхий шүүгчийн чиг үүрэг, мөн шүүгчийн мэргэжлийн үйл ажиллагааны үнэлгээ болон туршилтын хугацааны талаар дэлгэрэнгүй мэдээлэл өглөө.

Түүнчлэн талууд харилцан санал солилцож, шүүгчийн хараат бус байдал, мэргэжлийн хөгжил, хүний нөөцийн бодлогын хүрээнд цаашид хэрэгжүүлэх боломжит арга хэмжээний талаар ярилцав.

Уулзалтын төгсгөлд Нийслэлийн Эрүүгийн хэргийн давж заалдах шатны шүүхийн байр болон үйл ажиллагаатай танилцсан юм.

                 НИЙСЛЭЛИЙН ЭРҮҮГИЙН ХЭРГИЙН ДАВЖ ЗААЛДАХ ШАТНЫ ШҮҮХИЙН ТАМГЫН ГАЗАР

Сургалтыг Нийслэлийн Эрүүгийн хэргийн давж заалдах шатны шүүхийн шүүгч Л.Галбадар удирдан явуулж, эрүүгийн эрх зүйн тохиолдол шинжлэх аргачлалын хүрээнд хууль хэрэглээ, хэргийн зүйлчлэл, шүүхийн практикийн талаар дэлгэрэнгүй мэдээлэл өгч, харилцан ярилцсан үр дүнтэй сургалт боллоо.

          НИЙСЛЭЛИЙН ЭРҮҮГИЙН ХЭРГИЙН ДАВЖ ЗААЛДАХ ШАТНЫ ШҮҮХИЙН ТАМГЫН ГАЗАР

Тус сургалтыг Хэвлэл мэдээллийн зөвлөлийн сургагч багш Ц.Чимэддондог удирдан явуулж, шүүхийн шийдвэрийн тойм, шүүхийн процессын тойм, хэвлэлийн мэдээ бичих арга зүйн талаар дэлгэрэнгүй мэдээлэл өгсөн юм.

Сургалтын төгсгөлд асуулт, хариултын хэлэлцүүлэг өрнүүлж, шүүхийн тоймыг илүү ойлгомжтой, хүртээмжтэй байдлаар хэрхэн хүргэх талаар зөвлөмж өглөө.

Энэхүү сургалт нь шүүхийн ил тод, нээлттэй байдлыг хангах, олон нийтэд хүргэх мэдээллийн чанар, үр нөлөөг дээшлүүлэхэд чухал ач холбогдолтой байлаа.

НИЙСЛЭЛИЙН ЭРҮҮГИЙН ХЭРГИЙН ДАВЖ ЗААЛДАХ ШАТНЫ ШҮҮХИЙН ТАМГЫН ГАЗАР

Тус тэмцээнд Нийслэлийн эрүүгийн хэргийн давж заалдах шатны шүүхийн шүүгч С.Болортуяа, шүүгч Ц.Мөнхтулга, шүүгч Г.Мөнхтулга нар тэмцээнд шүүгчээр ажиллан оролцсон бөгөөд 11 их дээд сургуулийн 16 баг бүртгүүлэн оролцож өөрсдийн мэдлэг, ур чадвар, оюун ухаанаа сорин өрсөлдлөө.

Энэхүү арга хэмжээ нь зөвхөн оюутнуудын дунд зохион байгуулагдаж буй тэмцээн төдий бус, шүүхийн байгууллагын үйл ажиллагааг илүү ойлгомжтой байдлаар таниулах, бодит хэргийн материал дээр ажиллаж, зөвхөн ном унших бус хуулийг амьдрал дээр хэрхэн хэрэглэх талаар суралцдаг тэмцээн юм.

Тус шүүхийн шүүгчид үндсэн чиг үүргээ хэрэгжүүлэхийн зэрэгцээ шүүхийн байгууллагын үйл ажиллагааг сурталчлан таниулах, олон нийтийн эрх зүйн мэдлэг, ойлголтыг нэмэгдүүлэх, шүүхэд итгэх иргэдийн итгэлийг бэхжүүлэхэд чиглэсэн олон нийтийн ач холбогдолтой үйл ажиллагаанд ийнхүү идэвхтэй оролцлоо.

НИЙСЛЭЛИЙН ЭРҮҮГИЙН ХЭРГИЙН ДАВЖ ЗААЛДАХ ШАТНЫ ШҮҮХИЙН ТАМГЫН ГАЗАР

Сургалтыг Нийслэлийн Эрүүгийн давж заалдах шатны шүүхийн шүүгч Ц.Мөнхтулга “Ёс зүй” сэдвийн хүрээнд илтгэл тавин, төрийн албан хаагчийн ёс зүйн хэм хэмжээ, албан үүргээ хэрэгжүүлэх явцад баримтлах зарчим, хариуцлагын талаар мэдээлэл өглөө.

Энэхүү сургалт нь төрийн албан хаагчдын ёс зүйг дээшлүүлэх, хамт олны эерэг соёл, хариуцлагатай хандлагыг төлөвшүүлэхэд чухал ач холбогдолтой бөгөөд цаашид ижил төрлийн арга хэмжээг тогтмол зохион байгуулж, байгууллагын дотоод ёс зүйн орчныг бэхжүүлэхэд анхаарч ажиллахыг онцолж байна.

НИЙСЛЭЛИЙН ЭРҮҮГИЙН ХЭРГИЙН ДАВЖ ЗААЛДАХ ШАТНЫ ШҮҮХИЙН ТАМГЫН ГАЗАР

Энэхүү дадлага сургуулилтын хүрээнд Нийслэлийн Эрүүгийн хэргийн давж заалдах шатны шүүхийн Тамгын газрын ажилчид идэвх санаачилгатайгаар оролцож, дохионы үеэр аюулгүй ажиллагааны зааварчилгааг мөрдөж, түргэн шуурхай, зохион байгуулалттайгаар ажиллалаа.

Гамшгаас хамгаалах өдөр нь иргэд, байгууллагуудад болзошгүй эрсдэлээс урьдчилан сэргийлэх, гамшгийн үед зөв хариу үйлдэл үзүүлэх мэдлэг, чадварыг нэмэгдүүлэх чухал ач холбогдолтой юм.

НИЙСЛЭЛИЙН ЭРҮҮГИЙН ХЭРГИЙН ДАВЖ ЗААЛДАХ ШАТНЫ ШҮҮХИЙН ТАМГЫН ГАЗАР

Уулзалтын үеэр Шүүхийн ерөнхий зөвлөлийн дарга П.Золзаяа Шүүхийн ерөнхий зөвлөлийн бодлогын цөм, цаашид авч хэрэгжүүлэх үйл ажиллагаа, шүүхүүдэд тулгамдаж буй нийтлэг асуудлыг үе шаттайгаар шийдвэрлэх арга хэмжээний талаар мэдээлэл өгсөн юм. 

Түүнчлэн шүүхийн хүний нөөц, төсөв, эдийн засгийн баталгаа, шүүхийн байр, шүүгчийн хараат бус байдал, шүүхийн хэвийн үйл ажиллагааг хангах чиглэлээр хэрэгжүүлж буй ажлын талаар мэдээлэл өгөв.

Тус шүүхийн шүүгчид болон захиргааны ажилтнуудын зүгээс шүүх хуралдааны нарийн бичгийн даргын ажлын ачаалал өндөр, шүүгчийн туслахын орон тоо дутмаг, судлаач туслах болон сэтгэл зүйч ажиллуулах шаардлагатай байгаа талаар дурдлаа. Мөн шүүх хуралдааны танхимын техник, тоног төхөөрөмжийн хүрэлцээ хангалтгүй байгаа, шүүхийн байранд их засвар хийх, ариун цэврийн өрөөний нөхцөл хангалтгүй, халуун усгүй зэрэг тулгамдсан асуудлыг хөндөн, санал хүсэлтээ илэрхийллээ.

Шүүхийн ерөнхий зөвлөлийн дарга болон гишүүд тус шүүхийн шүүгчид, шүүхийн захиргааны ажилтнуудын дэвшүүлсэн асуудал, санал хүсэлтэд хариу өгч, эдгээр асуудлыг шийдвэрлэх чиглэлээр хэрэгжүүлж буй бодлого, үйл ажиллагааны талаар хариу мэдээлэл өгч, үе шаттай шийдвэрлэхээ илэрхийлэв.

НИЙСЛЭЛИЙН ЭРҮҮГИЙН ХЭРГИЙН ДАВЖ ЗААЛДАХ ШАТНЫ ШҮҮХИЙН ТАМГЫН ГАЗАР

Тус уулзалтын үеэр Монгол Улс болон БНСУ-ын шүүхийн хэргийн хөдөлгөөн, шүүхийн үйл ажиллагааны талаар санал солилцож, шүүхийн захиргааны ажилтнуудын сургалт, чадавхжуулах үйл ажиллагааны талаар мэдээлэл өгч ярилцав.

НИЙСЛЭЛИЙН ЭРҮҮГИЙН ХЭРГИЙН ДАВЖ ЗААЛДАХ ШАТНЫ ШҮҮХИЙН ТАМГЫН ГАЗАР