НИЙСЛЭЛИЙН ДАВЖ ЗААЛДАХ ШАТНЫ ШҮҮХИЙН ТАМГЫН ГАЗАР ХҮНИЙ БИЕИЙН МЕРИДИАН СУВАГ НЭЭХ АППАРАТТАЙ БОЛЛОО.

• 2022-02-16, 14:09
|
• 331

     Нийслэлийн давж заалдах шатны шүүхийн Тамгын газрын зүгээс тус давж заалдах шатны шүүхийн нийт шүүгч, ажилтнуудынхаа бие-эрүүл мэндийн байдалд тогтмол анхаарал хандуулан ажилладаг бөгөөд тэдгээр шүүгч, ажилтнуудын бие-эрүүл мэндэд нэн хэрэгцээ, шаардлагатай эмчилгээ үйлчилгээг үр нөлөөтэй үзүүлэх зориулалт бүхий “Меридиан суваг нээх аппарат”-ыг худалдан авч, зохих үйлчилгээг үзүүлж эхэллээ.  

     Хүний биеийн меридиан суваг нь тухайн хүний амь насны шугам бөгөөд таван цул, зургаан сав, дөрвөн мөч, яснуудыг тэжээдэг. Харин тэнцвэржүүлэлт хийх нь өвчнийг бууруулж, биеийг эрүүлжүүлдэг байна.

     Дорнын уламжлалт анагаах ухаанд “Суваг нээлттэй бол өвдөлтгүй”, “өвдөлттэй бол суваг бөглөөстэй” гэж үздэг. Суваг нээлтгүй байна гэдэг нь хий цус чөлөөтэй урсахгүй. Хий багатай үед цус өтгөрч бөглөрөл бий болдог. Энэхүү бөглөрлөөс шалтгаалж төрөл бүрийн өвчний эх үүсвэр бий болдог байна. 

   Меридиан суваг нээх аппарат нь биеийг эрүүл болгох, элдэв өвчнөөс урьдчилан сэргийлэх, тэнцвэржүүлэлт хийдэг.

   Иймд дээрх аппаратыг нийт шүүгч, ажилтнууд хэрэглэж, өөрсдийн бие-эрүүл мэндээ аливаа өвчнөөс хамгаалах бүрэн боломж нээгдэж байна.

            Нийслэлийн давж заалдах шатны шүүхийн тамгын газар