САЙН ҮЙЛСИЙН АЯНД НЭГДЛЭЭ.

• 2022-02-16, 16:19
|
• 385

        Нийслэлийн Эрүүгийн хэргийн давж заалдах шатны шүүхийн шүүгчийн туслах Амарсайханы Дуламсүрэн нь анхан болон давж заалдах шатны шүүхийн шүүгчийн туслахаар 15 дахь жилдээ ажиллаж байгаа бөгөөд тэрээр хөгжлийн бэрхшээлтэй охины хамт амьдардаг, өрх толгойлсон эх юм. 

       А.Дуламсүрэн нь хорт хавдар өвчний улмаас мэс заслын эмчилгээг яаралтай хийлгэх шаардлагатай болсон тул тус Эрүү, иргэний хэргийн давж заалдах шатны шүүхүүдийн шүүгчид, тус шүүхийн тамгын газрын ажилтнуудын зүгээс түүний эмчилгээний зардлыг бий болгох зорилгоор хандивын аян, уриалга зарласан юм.          

     Уг хандивын аянд Нийслэлийн Эрүү, иргэний хэргийн давж заалдах шатны шүүхийн шүүгчийн туслах, шүүх хуралдааны нарийн бичгийн дарга нар болон тус шүүхийн тамгын газрын ажилтнууд нэгдэж, нийтдээ 2.765.000 /хоёр сая долоон зуун жаран таван мянга/ төгрөг хандивлалаа.

Сайн үйлс бүхэн дэлгэрэх болтугай.

Нийслэлийн давж заалдах шатны шүүхийн Тамгын газар 

2022.02.16