БҮГД НАЙРАМДАХ АРДЧИЛСАН ЛАОС АРД УЛСЫН ХУУЛЬ САХИУЛАХ БАЙГУУЛЛАГЫН ТӨЛӨӨЛӨГЧИД АЙЛЧИЛЛАА

• 2022-09-20, 14:12
|
• 584

“Залуу хуульчдыг чадавхжуулах замаар шүүх эрх мэдлийн тогтолцоог бэхжүүлэх нь” төслийн шугамаар Бүгд Найрамдах Ардчилсан  Лаос Ард Улсын хууль сахиулах байгууллагын төлөөлөгчид 2022 оны 09 дүгээр сарын 20-ны өдөр Нийслэлийн Эрүүгийн хэргийн давж заалдах шатны шүүхийн үйл ажиллагаа, сайн туршлагатай танилцах айлчлал хийсэн юм.

Уулзалтыг Нийслэлийн Эрүүгийн хэргийн давж заалдах шатны шүүхийн шүүгч Ш.Бат-Эрдэнэ тэргүүлж тус шүүхийн үйл ажиллагаа бодлого чиг үүргийн талаарх мэдээлэл өгч, сонирхсон асуултуудад хариулт өглөө.

Дашрамд дурдахад энэ жил Монгол Улс, БНАЛАУ-ын хооронд дипломат харилцаа тогтоосны 60 жилийн ой тохиож байгаа юм байна.

                               НИЙСЛЭЛИЙН ДАВЖ ЗААЛДАХ ШАТНЫ ШҮҮХИЙН ТАМГЫН ГАЗАР