СУРАГЧИД ШҮҮХИЙН ҮЙЛ АЖИЛЛАГААТАЙ ТАНИЛЦЛАА

• 2024-03-27, 17:40
|
• 414

Монгол Улсын Шүүхийн тухай хуулийн 12 дугаар зүйлийн 12.1 “Шүүхийн үйл ажиллагаа ил тод нээлттэй байна” гэж заасны дагуу шүүхийн үйл ажиллагааг олон нийтэд нээлттэй, ил тод хүргэх, шүүхийн үйл ажиллагааны талаар олон нийтийн саналыг авах үүднээс 2024 оны 3 дугаар сарын 27-ны өдөр “Нээлттэй шүүх” өдөрлөгийг зохион байгууллаа.

Өдөрлөгт Ерөнхий боловсролын “Шинэ үе” сургуулийн сурагчид оролцож шүүхийн үйл ажиллагааны онцлог болоод шүүхийн орчин нөхцөлтэй танилцсан юм. 

Нээлттэй шүүх өдөрлөгийн хүрээнд Нийслэлийн Эрүүгийн хэргийн давж заалдах шатны шүүхийн шүүгч Д.Очмандах шүүгчийн ажил мэргэжлийн талаар мэдээлэл өгч, сурагчдын сонирхсон асуултад хариуллаа.

НИЙСЛЭЛИЙН ДАВЖ ЗААЛДАХ ШАТНЫ ШҮҮХИЙН ТАМГЫН ГАЗАР