ТӨРИЙН ДЭЭД ОДОН МЕДАЛЬ, САЛБАРЫН ШАГНАЛААР ШАГНАГДАВ
Бүгд Найрамдах Улсыг тунхаглаж, анхдугаар Үндсэн хууль баталсны 100 жилийн ойг тохиолдуулан шүүхийн бие даасан байдлыг бэхжүүлэх, шүүхийн шинэтгэл, шүүхийн захиргааны байгууллагад олон жил үр бүтээлтэй ажилласан шүүгч, шүүхийн захиргааны ажилтан, албан хаагчдыг Монгол Улсын Ерөнхийлөгчийн зарлигаар Төрийн дээд одон медалиар шагналаа.
Төрийн дээд одон медалийг Шүүхийн ерөнхий зөвлөлийн дарга Л.Энхбилэг, Гүйцэтгэх нарийн бичгийн дарга Б.Эрдэнэтулга нар 2024 оны 12 дугаар сарын 19-ний өдөр Шүүхийн ерөнхий зөвлөлийн ёслолын танхимд гардуулав.
Эрхэлсэн ажил, салбартаа олон жил үр бүтээлтэй ажиллаж онцгой амжилт гарган, эх орныхоо хөгжил дэвшилд үнэтэй хувь нэмэр оруулсан Нийслэлийн Иргэний хэргийн давж заалдах шатны шүүхийн шүүгч Ц.Алтанцэцэг, Нийслэлийн давж заалдах шатны шүүхийн Тамгын газрын Захиргаа, хүний нөөцийн ахлах мэргэжилтэн асан ахмад ажилтан Д.Батхүрэл нарыг Хөдөлмөрийн Гавьяаны улаан тугийн одонгоор, Хөдөлмөрийн хүндэт медалиар Нийслэлийн давж заалдах шатны шүүхийн Тамгын газрын Хэлтсийн дарга Г.Нямбаяр тус тус шагнагдав.
Шүүхийн ерөнхий зөвлөлийн даргын тушаалаар шүүх, шүүхийн захиргааны байгууллагын албан хаагчдаа ажил бүтээлээрээ тэргүүлэн ажиллаж байгаа дараах албан хаагчдыг Шүүхийн тэргүүний ажилтан, Шүүхийн ерөнхий зөвлөлийн “Хүндэт тэмдэг, Шударга ёсны элч цол тэмдэг, Шүүхийн ерөнхий зөвлөлийн хүндэт “Жуух бичиг”-ээр тус тус шагнаж урамшууллаа.
ШҮҮХИЙН ЕРӨНХИЙ ЗӨВЛӨЛИЙН “ХҮНДЭТ ТЭМДЭГ”-ээр Нийслэлийн давж заалдах шатны шүүхийн Тамгын газрын шүүгчийн туслах Батцоожийн Батжаргал,
“ШУДАРГА ЁСНЫ ЭЛЧ” цол, тэмдэгээр Нийслэлийн давж заалдах шатны шүүхийн ахмад шүүгч Дамдинсүрэнгийн Дамдин-Од, Базарсүрэнгийн Сарантуяа, Даваахүүгийн Мөнхтуул, Дагаагийн Байгалмаа нар,
ШҮҮХИЙН ЕРӨНХИЙ ЗӨВЛӨЛИЙН “ЖУУХ БИЧИГ”-ээр Нийслэлийн давж заалдах шатны шүүхийн Тамгын газрын шүүгчийн туслах Бямбасүрэнгийн Номин-Эрдэнэ, Түвшинбатын Мөнхзул, Жадамбагийн Золзаяа, мэдээлэл технологийн мэргэжилтэн Батжаргалын Оюу-Энх нар тус тус шагнагдлаа.
