Б.Амархүүд холбогдох хорих ялаас хугацааны өмнө тэнсэн суллах эсэх асуудлыг хэлэлцсэн шүүгчийн захирамжид гаргасан гомдлыг хянан хэлэлцсэн хэргийн тойм мэдээлэл

• 2021-01-26, 11:17
|
• 446

Б.Амархүүд холбогдох хорих ялаас хугацааны

өмнө тэнсэн суллах эсэх асуудлыг хэлэлцсэн шүүгчийн 

захирамжид гаргасан гомдлыг хянан хэлэлцсэн хэргийн тойм мэдээлэл

Нийслэлийн Эрүүгийн хэргийн давж заалдах шатны шүүхийн нээлттэй хийсэн шүүх хуралдаанаар: 

Хан-Уул дүүргийн Эрүүгийн хэргийн анхан шатны шүүхийн 2020 оны 12 дугаар сарын 01-ний өдрийн 74 дугаартай шүүгчийн захирамжтай, Б.Амархүүд холбогдох шийдвэр гүйцэтгэх ажиллагааны материалыг прокурор Ч.Отгонсүрэнгийн эсэргүүцэл, ялтан Б.Амархүүгийн өмгөөлөгч Б.Тэнгисийн гаргасан давж заалдах гомдлоор хянан хэлэлцлэв.  

Хан-Уул дүүргийн прокурорын газраас: 

- Хоригдол Б.Амархүү нь зан байдлаараа нийтэд аюулгүй болсноо нотлон харуулсан, ял эдлэх хугацаандаа сахилгын ноцтой зөрчил гаргаагүй, оногдуулсан ялын ½ хувийг эдэлсэн, гэм хорын хохирлоо бүрэн арилгасан тул Эрүүгийн хуулийн ерөнхий ангийн 6.12 дугаар зүйл, Эрүүгийн хэрэг хянан шийдвэрлэх тухай хуулийн 37.6 дугаар зүйл, Шүүхийн шийдвэр гүйцэтгэх тухай хуулийн 225 дугаар зүйл, Прокурорын тухай хуулийн 23 дугаар зүйлийн 23.1.7 дахь хэсэгт тус тус заасны дагуу Б.Амархүүгийн эдлээгүй үлдсэн ялаас хугацааны өмнө суллаж, хяналт тогтоолгох асуудлыг шийдвэрлүүлэхээр прокурорын дүгнэлт үйлдэж, шүүхэд ирүүлжээ.

             Хан-Уул дүүргийн Эрүүгийн хэргийн анхан шатны шүүхийн 2020 оны 12 дугаар сарын 01-ний өдрийн 74 дугаартай шүүгчийн захирамжаар: 

             - Ялтан Б.Амархүү нь Эрүүгийн хуулийн ерөнхий ангийн 6.12 дугаар зүйлийн 1 дэх хэсгийн 1.1 дэх заалтад заасан нөхцөл байдал бүрэн хангагдаагүй гэж дүгнэн, түүнийг хорих ялаас хугацаанаас өмнө суллаж, хяналтын хугацаа тогтоолгохыг хүссэн прокурорын дүгнэлтийг хангахаас татгалзаж шийдвэрлэжээ.

             Нийслэлийн Эрүүгийн хэргийн давж заалдах шатны шүүх 2021 оны 01 дүгээр сарын 26-ны өдрийн 02 дугаар магадлалаар:

             Хан-Уул дүүргийн Эрүүгийн хэргийн анхан шатны шүүхийн шүүгчийн захирамжийг хүчингүй болгож, хэргийг шүүх хуралдаанаар дахин хэлэлцүүлэхээр тухайн шүүхэд буцааж шийдвэрлэсэн.

НИЙСЛЭЛИЙН ЭРҮҮГИЙН ХЭРГИЙН ДАВЖ ЗААЛДАХ ШАТНЫ ШҮҮХ